बागेतला फेरफटका

(२४-जुलै-२०१०)



काही दिवसांपुर्वी सहज म्हणून घराजवळच्याच एका पार्कमधे गेलो होतो. आमच्या घराजवळच्या एका पार्क (केन्सिन्ग्टन मेट्रोपार्क) मधले हे फोटो आहेत. फार काही प्रसिद्ध असा नाही हा पार्क पण बराच मोठा (आकाराने) आहे. त्या पार्कमधल्या एका ट्रेल वर फिरायला गेलो असताना मी आणि ही'ने काढलेले आहेत. अशा बर्‍याच ट्रेल्स आहेत तिथे.. आणखी दोन -तीन तलाव आहेत. विशेष म्हणजे हे तलाव कृत्रिम आहेत... फार खोलही नाहीत. काही भाग फिशिंगसाठि उपलब्ध आहेत. काही ठिकाणी बोटिंगची सोय आहे. काही ठिकाणी लहान मुलांना खेळण्यासाठी बीच बनवलेले आहेत. तर.. फोटो...

शुभ्र पांढरी कमळं...

मला सुचलेलं नाव.. हिरण्यगर्भ

मस्त भलं मोठं पान

करकोचा (सॅन्डहील क्रेन)

ह्यांची घरटी अगदी झाडाच्या टोकाच्या फांदीवर असतात..

बदकं / गीस..

आणि हंस..

बुलबुल सारखा दिसणारा हा पक्षी.. फक्त बुलबुलसारखा शेपटीखाली लाल डाग नव्हता.. त्या ऐवजी दोन्ही पंखांखाली लाल डाग होते..

इथली करवंद?? अशा लाल, काळ्या, निळ्या बेरींची झाडं खूप होती

ही कसली फुलं आहेत माहित नाही पण त्यांच्या जवळून गेलं की त्याच्या सुवासाच्या घमघमाटानं मस्त फ्रेश वाटत होतं.

इथल्या भाषेत ह्या फुलाला "निअरली वाईल्ड रोज" म्हणतात.. "जवळजवळ गावठी गुलाब".. ऐकायला मजेशीर वाटतं..

आणखी थोडी रानटी/गावठी(?) फुलं

मोठं ऐट्बाज फुल.. गावठी वाटत नाही.

चतुर... (असे फोटो काढताना कॅमेराचं आणि माझं फोटोग्राफिचं ज्ञान यातला तोकडेपणा जाणवतो..)

इथे त्या फुलांच्यावर असलेल्या कोळ्याचा फोटो काढायचा होता... पण साध्या कॅमेराने काढताना झूम/फोकस गंडलं.. फोटो काढता येइना लेन्स वाकडं.. हेच खरं.

एक गमतीशीर पाटी..

अशी मस्त संध्याकाळ असावी, जवळ तुमची आवडती माणसं असावी.. मग आणखी काय हवं??